Dominus hac redemptor humani generis, previdens salutem fidelium suorum, hoc genus remedium contulit gratuito munere, ut ex rebus quas jure possident, æternam et sine fine mansuram, si eas bene dispertiant, valeant promereri. Quapropter ego, in Dei nomine, Gymmo et uxor mea Guidrada donamus Deo et sanctis apostolis ejus Petro et Paulo, et ad locum Cluniensis cœnobii, ubi domnus Maiolus preesse abbas videtur, aliquid de rebus nostris, quę site sunt in pago Forensis, hoc est ecclesia quę est in honore sancti Projecti martyris medietatem: in tali tenore ut quamdiu vixero ego Gymmo teneam et possideam, et post meum discessum ad locum Cluniensis revertatur, et omni anno in vestitura, in sollempnitate sancti Petri, sex denarios persolvam; et in tali tenore ut monachi Cluniensis nostrum locum et societatem in ipso monasterio donent et me et meam uxorem. Si quis autem donationem istam calumpniare vel contradicere voluerit, primitus iram omnipotentis incurrat et sanctorum apostolorum et cum Dathan et Abiron, quos vivos terra absorbuit, partem et societatem habeat in inferno; ipse autem non valeat vindicare quod petit, sed insuper cui litem intulerit, auri libras quinque componat et inantea firma et stabilis donatio ista permaneat, cum stipulatione subnixa. S. Gymonis et uxoris sue Guidrada, qui fieri et firmare rogavit. S. Duranni nepotis ejus. S. Rotlanni. S. Alexandrę. S. Aygleri. S. Raymberti. Data per manum Randuini, anno XXVIIII Cohunradi regis. Ego Gymmo dono Deo et Sancto Petro istam hereditatem pro anima patris mei et matris meę et omnium parentum meorum.